In Your Loving Arms By Laurice del Rio

 Nagpunta si Cielo sa Isla Fortuna para manguha ng larawan ng mga agila para sa isang coffee table book. Ang pagkakaalam niya ay walang ibang nakatira sa pribadong isla. Kaya laking gulat at takot niya nang isang gabi ay nagising siyang may lalaking nakatunghay sa kanya. Parang mahihimatay siya sa takot nang makilala ito. Ang lalaki ay asawa ng babaeng diumano ay namatay sa isla at ang lalaki ang pinaghihinalaang pumatay sa asawa nito!
Kahit ano ang sabihin niya ay ayaw nitong maniwala na ang tanging pakay niya sa pagpunta sa isla ay upang manguha ng mga larawan. Ayaw rin naman siya nitong payagang umalis. 
Sa paglipas ng mga araw na kasama niya ito ay unti-unti siyang nagduda kung totoo nga ba talaga ang tsismis na ito ang pumatay sa asawa nito. Pinagdudahan din niya ang katinuan niya dahil parang may kakaiba siyang nadarama para dito. Giit naman ng matinong bahagi ng isip niya, sabihin nang hindi totoong pinatay nito ang asawa nito, sandamukal pa rin ang issues nito sa buhay. He was definitely not the kind of guy she would want to fall in love with.
Pero paano niya pipigilan iyon gayong sa bawat araw na lumilipas ay nadarama niyang lalong nahuhulog ang loob niya rito?

Customer Reviews: